எல்லாமாகி நின்றதுவே

Posted On பிப்ரவரி 9, 2010

Filed under Uncategorized

Comments Dropped leave a response

சுடரொளி நீயோ என திகைத்து
நிற்க்கும் இவ்வொரு வேளையில்
வானிலாகி போனதுவோ
மண்ணாகி இளகி போன நீ
இங்கும் எங்குமின்றி எல்லாமே
வியாபித்து கருணை பொழிதலிலும்
எல்லையில்லா விதி செய்து
உயருமொரு வல்லமையிலும்
பொறியொன்று உள்ளதோ
திற்ந்து காண்பிக்கவோ
திறந்திட செய்வதற்க்கோ
யாருக்குமிங்கே வாய்த்திராத
உன்னொரு சொல்லிலும்
இல்லையோ
மனித பதர் கண்டு
பதைத்து போகுமிந்த
இளகிய விழியின் ஒரு
துளி சுடர்

ஒரு பெருங்குற்றம்

Posted On பிப்ரவரி 9, 2010

Filed under Uncategorized

Comments Dropped leave a response

மழை பெய்து ஓய்ந்தாலும்
கனம் எய்தி வீழ்ந்தாலும்
மரத்துக்கன்றோ
முறிதலும் வேதனையும்
சொல்லா துயரொன்றை
விட்டு போனதோ மழை
பாரம் சுமந்து தளர்ந்து
போனதோ பூமி
எதுவாகட்டும்
சாய்ந்து போன மரத்தின்
வீழ்தலிலும் மடிதலிலும்
மழையின் பெருங்குற்றம்
காணாதோ மரத்தின்
ஆழ வேருகள்
மழையோடு பேசி
மழையோடு வாழ்ந்து
மழையோடு வீழ்ந்து
போகுமே அன்றி
மரம் போலுள்ளதோ
மாசற்ற உறுதியில்
அதன் கிளைகள்

ஒற்றைக் காலுடன் நிற்கிறது கடவுள்

Posted On ஜனவரி 9, 2010

Filed under Uncategorized

Comments Dropped leave a response

தீர்மானிக்கப்படாத எவ்வொரு காலமும்

இல்லாத அகாலத்தின் பிளவினூடே

மேலெழுகிறது பிரமாண்ட இறக்கைகளை

கொண்டதொரு யாழி கோர முகத்துடன்

பெரும் கற்றூண்களுடைய மண்டபங்களைக்

கடந்து அரண்மனையின் உச்சியில்

தம் இறக்கைகளை தாழ்த்துகிறது

மதகுருவின் கமண்டலத்தில் நீர்

வற்றிபோயிருக்கவேண்டும்

அபயம் தேடி உயர்ந்த சிலையின் கீழ்

யாசகம் கேட்கிறான் ராஜபிரதானி

யாழியோ தீப்பிளம்புகளை உமிழ்ந்து

கொட்டுகிறது நாசத்தின் சுவடுகளாய்

மாடமாளிகைகளும்,கூட கோபுரங்களும்

வெந்தழல் சுவைத்து உதிர்கின்றன

சற்றும் எதிர்பாராத தாக்குதலில்

ராஜ்ஜியம் தனது நிழலுக்குள்

பதுங்கிக் கொள்ள எத்தனிக்கிறது

சிலையின் காலடி சன்னதியில்

மதகுரு கைகளை வெட்டி குருதி

நனைக்கிறான்

பரவும் அக்குருதி அடிபாதம்

சுற்றி கால்வழியே

மேலே ஏறுகிறது திளக்கமாய்

பண்டக சலைகளும்,கோட்டை

கொத்தாளங்களும் சிதிலங்களாகி

பொடிந்து பறக்கிறது வானில்

குருதி வழிந்து கண்களில் நனைய

கண்திறக்கிறது கடவுள்

கற்சிலையாய் ஆன பிரமாண்ட கடவுள்

இருப்பிடத்தை விட்டு நகரத்துவங்குகிறது

அதன் பன்னிரு கைகளிலும்

கொலை கருவிகள் நாவு நீட்டுகிறது

நீளும் கைப்பற்றி தப்பிக்காத

யாழியின் வாலையிழுத்து

ஆக்ரோசம் கொண்டு காலடியில்

புதைத்து ஒற்றைக்காலுடன்

நிற்கிறது கடவுள்

கடவுளின் சினம் தணிந்த போது

காலம் தீர்மானிக்கப்பட்டது

யாழியை காலால் மிதித்து

நிற்கும் கடவுள் திருவுருவ

சிலைகளோ பின்னாழில்

பிரபலமாயிருந்தது

அந்த ராஜ்ஜியத்தில்

டெர்மினெட்டர் ஒன்றும் இரண்டும்

Posted On திசெம்பர் 28, 2009

Filed under Uncategorized

Comments Dropped leave a response

அந்நியத்திலிருந்து மின்னல் தெறிக்க

வந்துதித்தான் டெர்மினேட்டர்

பழையது போல நிர்வாண கோலத்தில்

தமது இயந்திர விழியால்

தம்மை போர்த்திக்கொள்கிறான்

ஏதோ சொல்லிவைத்தார் போல

அவனுக்காக காத்திருக்கும் எதிரியின்

புல்லட்டுகளை அலட்சியம் செய்கிறான்

வேகமாக நகர்ந்து கொள்கின்றனர்

சாலையில் அனாதையாக தனித்து

விடப்பட்ட குழந்தையொன்று

வீறிட்டழுகிறது

எதிரியிடம் இருந்து குழந்தையை

பாதுகாத்து விட்டானவன்

எதிரியை சுட்டு வீழ்த்தி

பொடிபொடியாக்கி

பின் ஒவ்வொரு அடியும்

குழந்தையை பாதுகாக்கவேண்டி

உயிர்தெழுந்து வரும் எதிரி

டெர்மினேட்டரிடமிருந்து

அசகாய பராக்கிரம சாகசங்களுடனான

ஒவ்வொரு நகர்தலும்

காத்திருக்கிறது

டெர்மினேட்டர் ஒன்றுக்கும்

டெர்மினேட்டர் இரண்டுக்கும்

இடையில்

விடை சொல்ல முடியா போராட்டம்.

உன் சப்தத்தின் கூடு

Posted On திசெம்பர் 20, 2009

Filed under Uncategorized

Comments Dropped leave a response


1
அடித்து துவைக்கும்
பெண்களை
எதிரொலி
எழுப்பி
நகைக்கிறாயே
உன் சப்தத்தின்
கூடு எங்கே
திறந்து காட்டு
2
பூக்களைக் கொய்யும்
சிறுமிகளை கவனியுங்கள்
அவர்களின் கொய்தலுக்கும்
சேகரிப்பிற்க்கும் இடையே
எத்தனை சிரிப்புகள்
யாராவது சொல்லியிருக்கவேண்டும்
மறு நாளும் சிரிப்பொலிக்காகவே
பூத்து குலுங்கும்
மரத்தின் காத்திருப்பை
3
மழை பெய்து ஓய்ந்தாலும்
வெள்ளம் கட்டி கிடக்கும்
முற்றம் மாத்திரம்
மழையை தானோ
ஞாபக படுத்துகிறது
வெறுங்கல்லோ
மழையில் அடித்து
வரப்பட்டதோ
பூமியிழகி மேலெழுந்ததோ
முற்றத்தை பெருக்காத
போதும்
முற்றத்தை யன்றோ
பார்க்க தோன்றுகிறது
4
எழுதி எழுதி களைத்தாயோ
என்று கேட்குமட்டும்
ஆன உனக்கு
நீண்ட நெடிய
ஒரு இருப்பு
ஆகவே ஆகாதடி
கிளியே
5
பழைய கல்மண்டபத்தின்
தூணிலிருக்கும்
நாட்டிய மங்கை
தீராத நடனத்தை
முடிக்க கூடாதோ
காலம் முடித்து
வைக்கும்
என்றொரு
யோசனையோ?

இராக்காலங்களில் அவர்களின் வருகைக்காய் காத்திருக்கலாம்

Posted On நவம்பர் 27, 2009

Filed under Uncategorized

Comments Dropped leave a response

பனிப்பெய்யும் இவ்விரவில் தீபச்சுடர்களை ஏற்றி
நான் காத்திருக்கிறேன்
பரிசுத்த நறுமணங்களடங்கிய தூபங்களை
காற்றில் சுழலவிடுகிறேன்
சுகந்த மலர்களைத் தூவி ஆராதனைச் செய்து
தனித்திருந்து தியானிக்கிறேன்
குளிர்காலங்களின் இராக்காலங்களில்
அவர்களின் வருகை நிகழக்கூடும்
ஏதொரு முன்னறிவிப்பின்றி
நான் போதையற்று தளும்பும்
திராட்சை ரசத்தை மதுக்கிண்ணங்களிலூற்றி
அவர்களுக்கு விருந்துண்ணக்கொடுப்பேன்
தட்டுகளிலும் கூடைகளிலும் அடுக்கிவைக்கப்பட்ட
காய்கனிகளை உளமார கொடுத்து மகிழ்வேன்
புசிக்கும் அப்பங்களையும்,மாவினாலான
பணியாரங்களையும் நிறைய அளிப்பேன்
பின்னர் கடுங்கதைகள் பேசி
நேரத்தை கழிப்போம்
நெடுந்துயில் வேண்டி படுக்கைகளை
தாயார் செய்துள்ளேன்
அவர்கள் தேவதூதர்கள்
பரிசுத்தமானவர்கள்
அன்னை மரியாவிற்கிரங்கி தேவப்பிரச்சன்னம்
போதித்தவர்கள்
ஓராயிரம் இறக்க்கைகள் அவர்கட்கு
இருக்கக்கூடும்
பிரகாசமான கண்கள்
ஒளிரக்கூடும்
கைகளிலே சின்னஞ்சிறு செங்கோல்கள்
இருக்கக்கூடும்
நான் காத்திருக்கிறேன் அவர்களின் வருகைக்காய்
எவ்வொரு நற்செய்தியை அறியவோ
தேவநிச்சயத்தை தெரியவோ
மாத்திரமின்றி பரிசுத்த இரவில்
தேவனுடனுன் கலந்து போகுதல் பற்றி
வாக்களிக்கப்பட்ட நன்மையை தேவன்
கொண்டுவருவதாய் சொன்ன கனவினை நம்பி
தேவன் வருகை சாத்தியமே
ஆயினும் பரிசுத்த இரவை குறித்து
தேவதூதர்களுக்கு சேதி சொல்லி அனுப்புவான்
இந்த இரவுகளில் நான் உண்பதுமில்லை
நித்திரை செய்வதுமில்லை
விடியும் வரை காத்திருக்கிறேன்
தேவதூதர்களின் வருகைக்காய்
அதன் பின்னர் வாக்களிக்கப்பட்ட நன்மை
அடைந்தே தீரும்
அந்த பரிசுத்த இரவில்
நான் எனை இழக்கும் அவ்வொரு பொழுதுக்காய்
ஆகவே நான் காத்திருக்கிறேன்
தினமும் விருந்தினை ஏற்பாடு செய்து
இராக்காலங்களில் அவர்களின் வருக்கைக்காய்
காத்திருக்கிறேன்

திற்பரப்பு அருவி

Posted On நவம்பர் 27, 2009

Filed under Uncategorized

Comments Dropped leave a response

மவுனத்தை கலைத்த காகங்கள் எங்கேயோ

பறந்து சென்றிருக்க கூடும்

நாணல் இலைகளில் காற்றின் சதிராட்டம்

நின்றபாடில்லை.

அருவிகளின் பாய்ச்சலில் வினோதங்களை

காற்றில் எழுதுகிறது கவிதை முனை.

உயர்ந்து செல்லும் மனதை பறிக்கவேண்டி

அல்லாடுகிறது ஒரு பொழுதின் நிறம்

திற்பரப்பு அருவியின் வீழ்ச்சி கதையில்

நாயகின் திருப்பத்தை கேமாராவில்

பதிவாக்கி ஜோடனையூட்டியது

நாயகனின் கனவுலகில்

திற்பரப்பு நீர்வீழ்ச்சி ஒரு கணமேயாயினும்

இரவில் உறங்கி கனவுகளை

மேயவிடும் நாயகிக்கு

சலனம் அல்லாத ஒரு சித்திரம்

திரையில் தெரியாதது

யாருக்குமே தெரிந்திருக்கவில்லை

ஆயினும் திற்பரப்பு நீர் வீழ்ச்சி

இன்னும் அதிகமாக பெருக்கெடுத்து

கொள்கிறது பயணிகளின்

நினைவலைகளில்

யாருமற்ற உறக்கத்தில்

பேசும் திற்பரப்பின் அழகில்

நானும் நீயும் வெறும்

பிம்பங்கள் மாத்திரமே

 

அரவிந்தம் நனைத்த பொழுதுகள்

Posted On நவம்பர் 17, 2009

Filed under Uncategorized

Comments Dropped leave a response

.
என் பால்ய நதியின் நீரருவி
பாய்ந்து வழிகிறது
ஒவ்வொரு பொழுதிலும் புன்னகை பூத்து
நண்பனாய் வந்து முதலில்
சேர்ந்து கொண்டவன் நீ
எனது பிஞ்சு கைகளைப் பிடித்து
முத்தம் தந்த சூடு இன்னும்
தகித்து முடியவில்லை
இலக்கணங்களை புரட்டி
எழுது கோலெடுத்து மை எழுதினாய்
எனது கண்களில்
ஒரு நிரந்தரச் சித்திரம் போல
இடையில் சிறு பொழுதொன்றில்
அழுது கொண்டே அஜீத்தும்
நம்ம்மிடையே நின்று கொண்டு
முகங்களை பார்க்கிறான்
அப்போது தான் அந்த தோணி
உருவானது
நம் மூவரையும் சுமந்து கொண்டு
சீறிப் பாய்ந்து முன்னே செல்கிறது
காற்றில் கலந்து வரும் வாசனையில்
அரவிந்தம் எப்போதும் நினைத்துக்
கொள்ளும் பொருட்டு
எங்கோ ஒரு மூலையில்
இடவலம், அற்று

ஆன்மாவின் தாகம்

Posted On நவம்பர் 8, 2009

Filed under Uncategorized

Comments Dropped leave a response

CB055213

1
உன் பாதம் தழுவி நின்றிருந்தேன்
அணைத்து கொண்டாய்
இருகரம் நீட்டி
அந்த பிரிதலின் துயர்
கொடுமையானது தான்
இன்னொரு முறை
எப்பவாவது ஒரு முறை
நினைத்து நினைத்து
காலம் கலைந்தன
நெக்குருக
தலையில் கை வைத்து
பெற்ற ஆசி
மனம் முழுதும்
விரவி கிடக்கிறது
போதும் போதும்
இனியும் வருவேன்
பாதம் தழுவுவேன்
2
உன் நெஞ்சில்
நான் குதித்திருக்கிறேன்
அரவணைத்து
கரையேற்றி விட்டிருக்கிறாய்
சுகந்த மலர்களின்
மணம் பறித்து தந்தாய்
நான் வருவேன்
காற்றாய் ஒரு பொழுதாகவேனும்
சேவகம் செய்ய
அனுமதிப்பயோ நீ?
3
உன்
இதய கோவிலை
திறந்து வைத்திரு
பூக்களை பறித்து
அர்ச்சிக்கவேண்டும்
வைரங்கள் பதித்து
மெருகேற்ற வேண்டும்
உன் முலைப்பால்
குடித்து
மதுர கவியானேன்
பாதம் பணிந்து
நமஸ்கரிக்க வேண்டும்
எழுப்பி விடாதே
அந்த அய்க்கியத்தில்
நான் நீயாகவும்
நீ நானாகவும்
எங்கே அந்த பொழுது?
தெரிந்தால்
சொல்லி விடு
அப்படியே
வருகிறேன்
நிர்வாணமாய்
வருகிறேன்
4
உன் சிலை பழுப்பேறி
கருமையாக இருக்கிறது
தீப விளக்குகள்
வறண்டு கிடக்கிறது
காய்ந்த மலர்கள்
சருகுகளாயின
வெளிச்ச்ம் இல்லாத
இருண்ட காலங்கள்
நீ துக்கிக்க வேண்டாம்
இதோ வருகிறேன்
தூய தண்ணீரால்
குழிப்பாட்டி கழுவுவேன்
தீபம் கொண்டு
ஆராதனை புரிவேன்
உன் ஒரு
வரம் வேண்டும் எனக்கு
உன்னருகில் வர
என் ஆன்மாவுக்கு
உடலொன்று வேண்டும்
5
உன் பாத சேவகம்
செய்ய வேண்டும்
முள் கிரீடத்தை விலக்கி
மலர் சூட வேண்டும்
ரத்தத்தை துடைத்து
முத்தமிட வேண்டும்
பரிசுத்த அன்பை
செஞ்சுருக தரவே
மேகத்தை பிடித்து
கையில் தந்தாய்
பிறையை எடுத்து
தலையில் சூடினாய்
சூரியனை இழுத்து
மடியில் போட்டாய்
நிறுத்து நிறுத்து
நான் என்ன குழந்தையோ?
6
நெஞ்சோடு நெஞ்சாக இழுத்து
அணைத்து கொண்டு விட்டாய்
உன் பிடிக்குள்
நான் கரைந்து
சர்வமும் இழந்து
சூன்யமாகி
ஏதுமற்று போகிறேன்
என் முகத்தருகே
மேகங்கள் போகிறது
பறவைகள் பறக்கிறது
கை எட்டும் தூரத்தில்
சூரியன்
இவ்வொரு பொழுது
பிரபஞ்சமே
அன்றி வேறல்ல
பிரிக்காதிரு
பிரிக்காதிரு
தியானம் மட்டும்
தலை சாய்க்க ஓரிடம் வேண்டும்
7
என் பாழடைந்த
உடம்பு அழுகி
துர்நாற்றம் விடும்
சிதைந்த கபாலமும்
எலும்பும்
கரையான் தின்னும்
பேயாய்
பெருங்காற்றாய்
எனதாத்மா
அலையாதிருக்கட்டும்
ஒளியாய்
இல்லாமல் ஆயினும்
ஒளியை
காணவேனும்
அனுமதிக்க வேண்டும்
பின் அமைதி வழங்கி
தங்க வைக்க வேண்டும்
8
வீடு பேறு வேண்டும் ஐயா
அழியும் இந்த கூடு விட்டு
மமதைகளின்
இருப்பிடம் விட்டு
அறியாமையின்
பேரிருள் விட்டு
மானுட போதம் விட்டு
எனக்கொரு
விடுதலை தா
என் ஆன்மாவின் வெப்பம்
தகித்து முடியவில்லை
மரணத்தின் வாசலை
திறந்து விடு
இக்கணமே
இவ்விடமே
உன் பாதம்
கண்ட மாத்திரமே
நிலைபேறு அடையும்
என் ஆன்மா
தாமதிக்காதிரு
ஆசி கொடு

36164859_MiscWaterDrops1223020248a_filtered

தீக்குஞ்சுகள்

Posted On ஒக்ரோபர் 26, 2009

Filed under Uncategorized

Comments Dropped leave a response

fire

 

 

 

 

 

 

 

 

 

 

எரியும் தீயினை பாருங்கள்

ஒரு சிறிய முனையின்

சொல்லொன்று பற்றியதோ

அக்கினியை சமைக்க

எந்தவொரு வல்லமை வந்ததோ

அதன் எரிதலிலும் படர்தலிலும்

வெவ்வேறு நிறமிருக்க

என்ன காரணமோ

எரிந்து கொண்டிருக்கும் ஒரு பொறி

உயர்ந்து மேலெழுந்து

பறந்து உயர்தலிலும்

என்ன ஒரு வேகம்

பொடிந்து விழும்

சிறு தீக்குஞ்சுகள்

கண்முன்னே மரிக்க

பதறாதோ மனம்

அவை படபடத்து படபடத்து

குஞ்சுகளை பொரிக்கின்றன

எந்த ஒரு இயலாமையும்

காட்டிக்கொள்ளாமலே

சிறு சொல்லெடுத்து நானும்

அக்கினி சமைக்க

வென்று விட்டதோ உலகை

அதனொரு தழல்

« முன்னைய பக்கம்அடுத்த பக்கம் »